Gulabo Sitabo Movie Review - Amitabh Bachchan, Ayushmann Khurrana’s Amazon Prime Film


Soojit Sircar ki film 'Gulabo Sitabo' (Starring: Amitabh Bachchan, Ayushmann Khurrana, Vijay Raaz, Brijendra Kala) Amazon Prime per release hui hai theatre mein nahi...aisa kyu?? Ye to sara world janta hai ki in dino Corona ne 4 logo ke beech baithne layak nhi chhora. Islye Bollywood ne sabko apne apne ghar baith ke hi movie dekhne ka option de diya.

Chaliye ab aate hai main mudde per-movie ki story kya hai aur kaisi hai... 
Aap logo ne chhote shehro aur kasbo me makanmalik aur kirayedar ke Tom and Jerry wale jhagde to sune hi honge. Is movie mein aap waise hi jhagde dekhenge 

Film ki story ek 78 year ke lalchi, jhagdhalu, kanjus aur chidchidhe nature ke Mirza ke ird-gird gumti hai, jiski jaan ek jarjar ho chuki haweli me basti hai. Ye haweli Mirza ki wife Fatima ki pushtaini jaydad hai isliye iska name Fatima Mahal hai. Mirza paiso ke liye haveli ke old items chura ke bechta rehta hai. Mirza ko apne se 17 year badi Fatima ke marne ka intzar hai taki haveli use mil sake.

Iss purani haveli mein bahut se kirayedar rehte hain jinme se ek Baanke Rastogi hai jo 6 class tak padha hai aur aata chakki ki shop chalata hai. Baanke haveli mein apni mother aur 3 sisters ke sath rehta hai.

Mirza, Baanke ko bilkul pasand nahi karta aur usko pareshan karne ke lye new ideas search karta rehta hai aur Baanke ko haveli se nikalna chahta hai. Movie mein jyadatar apko in dono ki khinchtan dikhegi jo ek time pe boring lagne lagti hai. Story mein naya mod tab aata hai jab Mirza ek lawyer ke sath milkar haveli bechne ki tyari kar leta hai aur udher Baanke LIG flat ke lalach mein Archaeology department ke ek officer se milkar haveli ko puratatva vibhag ko dene ka plan banata hai.

Lekin kintu parantu bandhu, Begam ka ek master stroke Mirza aur Baanke k plans per pani fer deta hai aur dono ko hi haveli se niklna padta hai.

Ab aate hain kuch main points par:

  1. Aap Gulabo Sitabo ko movie ke starting aur end me jarur dekhenge parantu samajh nhi ayega ki movie ka name Gulabo Sitabo kyu rakha gaya.
  2. Gulabo Sitabo Indian Cinema mein iss baat ke liye to yaad ki jayegi ki ye theatres ko gaccha dekar direct mobile screen par pahuchne wali pehli movie hai parantu, Amitabh Bachchan ji ki behtarin performance ke bavjood bhi unki masterpiece movies ki list mein shamil nahi ho payegi.
  3. Gulabo Sitabo Amazon Prime par 200 countries mein 15 languages ke subtitles  ke sath release hui hai.